2/11/09

“Ruth Matilda Anderson. Unha mirada de antano”

Numerosas persoas visitaron Galicia ao longo dos anos movidas por diversos intereses do acervo cultural galego. Na actualidade conservamos dalgúns dos visitantes máis metódicos e curiosos un extenso legado no que se recolle a súa particular visión, grazas á cal, temos a oportunidade de achegármonos máis ao lugar que habitamos. Agora na Sede Fundación Caixa Galicia da Coruña  ofrecemos esa oportunidade coa monumental obra de Ruth Matilda Anderson (1893-1983), fotógrafa e etnógrafa da  Hispanic Society of America en Nova York, que percorreu Galicia entre 1924 e 1926 coa súa cámara fotográfica. A presente mostra, “Ruth Matilda Anderson. Unha mirada de antano”, comisariada por Miguel Anxo Seixas Seoane e Patrick Lenaghan, exhibe o que o seu ollo viu a través do obxectivo. Estamos ante o maior arquivo fotográfico de Galicia, caracterizado pola súa gran calidade e pola vasta información que nos achega, tamén a nivel textual. Ata o 28 de febreiro somos espectadores da nosa propia historia, desde A Coruña.

Esta actividade é posible grazas á colaboración entre a Hispanic Society of America  e a Fundación Caixa Galicia.
 


Salas de exposiciones sede - Sede Fundación Caixa Galicia (A Coruña) - A CORUÑA. 30-oct-09 - 28-feb-10
 
Luns a venres: 12:00 h. a 14:00 h. e 16:00 h. a 21:00 h.
Sábados, domingos e festivos: 12:00 h. a 21:00 h.

Visitas guiadas para público en xeral: luns, mércores e venres ás 18:30 h.
Para grupos, concertar cita no 981 185 060
 

28/8/09

Galiza tamén tivo a súa 'Expo'



Un libro de Henrique Alvarellos e unha exposición celebran o centenario do evento, polo que pasaron máis de 50 mil visitantes en 1909.

Once pavillóns, 600 expositores, dez mil pezas de arqueoloxía e obras de arte, 53 mil visitantes en cinco meses. Pouco se fala, na rúa e na historia da chamada 'Exposición Rexional Galega' que se celebrou en Compostela en 1909 e que ocupaba boa parte do que hoxe é a Alameda, e máis o Colexio San Clemente.



Inaugurouse o 24 de xullo, coa presenza do rei Alfonso XIII e do presidente do Goberno Antonio Maura, e aínda que a maior parte dos seus edificios e construcións foron destruídos (algúns tan sigulares e valiosos como o do Centro Galego da Habana), serviu para definir a actual configuración do parque e máis do comezo do Campus Sur da USC. Si que se conserva un dos edificios, á actual escola infantil de Santa Susana, unha obra de Antonio Palacios que foi destinado durante e Exposición a Pavillón de Recreo Artístico e Industrial.



Libro e exposición
Coincidindo co centenario, Henrique Alvarellos publica un volume conmemorativo que recuperará medio cento de fotografías daquel evento conservadas en diversos arquivos e bibliotecas. A obra tamén inclúe a crónica xornalística daquela mostra: o contexto social, a descrición dos pavillóns, as cifras de visitantes e resultados económicos, as curiosidades... Para elaborar a crónica Alvarellos consultou diarios e revistas dos anos 1909 e 1910: os diario locais El Eco de Santiago ou Diario de Galicia, o xornal de Madrid El Imparcial ou o catalán La Vanguardia, ademais de revistas gráficas do momento como a viguesa Vida Gallega ou a madrileña Nuevo Mundo.



Así mesmo, poderase ver unha mostra conmemorativa, consistente na exhibición do medio cento de fotografías atopadas, montadas en paneis de gran formato ao longo do paseo da Ferradura dende a escola infantil en dirección á escalinata de baixada ao Campus. O Concello preparou ademais unha recreación da exposición, con reprodución de escenas cotiás, xogos tradicionais e un desfile.




Vía: Vieiros

3/4/09

Tal día coma hoxe...

1841: nacía en Compostela o escultor Isidoro Brocos, está considerado como un dos mellores escultores do moderno Renacemento Galego.

1/4/09

O un de Abril...

... van os burros onde non deben ir"

1188: Inaugurábase o Pórtico da Gloria da Catedral de Santiago de Compostela
1846: Comezaba en Lugo a Revolución Progresista Galega
1917: Saía á rúa o primeiro número de El Ideal Gallego

28/3/09

Tal día coma hoxe...

1809: Os exércitos de Morillo e Cachamuíña liberaban Vigo das tropas francesas.

1966: Morría no seu Lalín natal o astrónomo Ramón María Aller. Un cráter da Lúa leva o seu nome.

Hoxe festa local da Reconquista en Vigo.

23/3/09

Día Mundial da Meteoroloxía

1870: En Maceda de Trives (Manzaneda) enfrontábanse os campesiños coa Garda Civil a causa dun imposto de "capacitación". No enfrontamento, que durou tres días, morreron tres paisanos e un garda.

21/3/09

Día Mundial da Poesía

1874: Nacía na Coruña o músico Andrés Gaos, considerado o compositor galego máis destacado do século XX e autor de importantes obras como "Aires Gallegos" (1905), "Nuevos Aires Gallegos" (1913), "Sonata para violín e piano" (1916) e "Impresión Nocturna" (1937).

19/3/09

Tal día coma hoxe...

1847: Fundábase a "Reunión Recreativa e Instructiva de Artesanos" coñecida como "Circo de Artesanos", que había destacar polo seu labro cultural no país.

16/3/09

Tal día coma hoxe....

1850: Orde municipal pola que se cambiaba o nome a todas as rúas de Ourense por consideralas "ridículas e contrarias ao gusto e adianto da época".

1930: Pacto de Lestrove no que nacía a Federación Republicana Gallega. Os seus núcleos principais habían ser a ORGA e o Partido Radical.

14/3/09

Tal día coma hoxe....

1525: Unha bula de Clemente VII autorizaba a Afonso III de Fonseca á creación dun colexio en Compostela. Esta foi a orixe da Universidade de Santiago de Compostela.

"O sol de Marzo queima ás donas no seu pazo"

12/3/09

Tal día coma hoxe....

1461: Fundábase un burgo mariñeiro preto dun castro do que era dono o Cardeal-Arcebispo de Compostela, García Caamaño Mendoza de Soutomaior. Este burgo deu orixe a Vilagarcía de Arousa.

10/3/09

Día da clase obreira galega

Tal día coma hoxe...

1944: Editábase en Buenos Aires Sempre en Galiza.

1964: En Belesar (Chantada) caía o derradeiro guerrilleiro da Resistencia Galega "O Piloto" (Xosé Castro Veiga).

6/3/09

1856: Banquete de Conxo. Eduardo Pondal e Aurelio Aguirre leron senllos poemas cargados de sentido social e conciencia galega. Este feito marcou a nova xeración intelectual galega.

5/3/09

Tal día coma hoxe....

1888: Nacía en Ourense Ramón Otero Pedrayo.

Vigo | Estación do Areal

J. Pacheco | Colección Guillermo González Martín
A data é un pouco difícil de establecer. Diríase que polo aspecto que teñen os barcos debe ser anterior á Guerra Civil. Pódense ollar incluso buques de vela.

Esta estación do porto, durou até finais dos anos '60 do século XX. Estaba no que hoxe é o paseo Montero Ríos e onde se atopa o club náutico.

Pódese ollar que as dúas vías máis á dereita son de largo métrico e encol dela aparece un dos catro vagóns de bordos altos que posuíu o camiño de ferro Vigo-Baiona. Ao fondo un grupo de ferroviarios ao lado dunha locomotora que semella ser unha Oeste 252-256 das que a Renfe só chegaron dúas delas numeradas como 030-2502 e 2503.

1/3/09

Tal día coma hoxe....

1493: A carabela La Pinta, mandada por Martín Alonso Pinzón e pilotada polo pontevedrés Sarmiento, arribaba a Baiona, o primeiro lugar de Europa que coñeceu a nova do descubrimento de América.

25/2/09

Mércores de cinsa

1894: A Sociedade Folklore Gallego trocaba o seu nome polo de Academia Gallega, da que formaban parte por aquel entón Manuel Murguía e Eduardo Pondal entre outros.

24/2/09

Martes de Entroido / Día de Rosalía de Castro

1837: Nacía en Santiago de Compostela Rosalía de Castro

1985: Primeira emisión de Radio Galega


"Adeus Martes de Entroido,
adeus, meu amiguiño,
ata o Domingo de Pascua
non comerei máis touciño"

(Popular)

23/2/09

Luns de Entroido

Festa en Laza, Xinzo e Verín.

1908: Nacía en Botos (Lalín) José Otero Abeledo "Laxeiro".

Oleiros | Criadeiro de ostras na ría da Pasaxe

Alberto Martí | La Voz de Galicia
A empresa Carnicero tiña un viveiro de ostras xusto baixo da ponte da Pasaxe. Segundo lembra o autor da foto había numerosos coruñeses que acudían alí mercar os moluscos, aínda que tamén había un número importante de persoas que preferían degustalas nas propias instalacións posto que o lugar contaba cun espazo reservado para que os visitantes puideran probar estes bivalvos.

22/2/09

Domingo de Entroido

1870: nacía Alejandro Pérez Lugín, autor de La Casa de Troya.

Festa do grelo nas Pontes de García Rodríguez.
Festa da androlla en Navia de Suarna e Viana do Bolo.

20/2/09

Vigo | Vista parcial


Parte de Vigo, Balaídos co seu estadio e un recanto da factoría de Citröen abaixo á dereita. O barrio das Travesas empezando o "desarrollismo" e ao fondo Teis e a ría. A foto debe ser dos anos '60-'70 dada a ausencia de grandes edificios e a faciana do estadio, anterior á remodelación co gallo do mundial de fútbol de 1982.

Tal día coma hoxe

1120: Bula do Papa Calixto II pola que se recoñecía á Igrexa Compostelá o título de "metropolitana da antiga Lusitania".

17/2/09

Tal día coma hoxe

1711: falecía en Compostela José de Baquedano, mestre da Capela da Catedral de Santiago e o máis importante compositor do barroco compostelán.

13/2/09

Vigo | Caldeira de vapor no porto

Colección Guillermo González Martín | Tranvía Portal

Porto de Vigo anos 20. A agora empresa de enxeñaría civil Cubiertas y MZOV tivo a súa orixe na compañía do Ferrocarril de Medina del Campo a Zamora Orense y Vigo. Como se ve, a caldeira vai para unha locomotora desa compañía. A MZOV integrouse en Oeste en 1928.

"Febreiriño camiseiro...

... nin boa meda, nin bo palleiro".

10/2/09

Tal día coma hoxe

1810: na cidade de Ferrol prodúcese un motín das clases obreiras galegas capitaneadas por Antonia Alarcón.

1842: constrúese en Ferrol o primeiro barco a vapor da historia da Península Ibérica.

1890: naufraga o buque inglés The Serpent ao norte do cabo Vilán con 300 mariñeiros, os veciños de Xaviña só conseguiron salvar a 3. Ao resto soterráronos nun campo que dende aquela se chama "Cemiterio dos Ingleses".

6/2/09

Redondela | Viaduto de Madrid

Guillermo González Martín | Tranvía Portal

Redondela nos anos '30-'40 do século XX. O viaduto da imaxe é o da beira Porriño, que quedou fóra de servizo en 1971 ao se facer a variante de Louredo-Valos. Tras décadas de abandono, a parte metálica foi correada e pintada recentemente presentando hoxe un bo aspecto, iso si, sen vías. Encol do viaduto pódese ver un expreso tirado por unha 2540 de Oeste da serie 831-842. O primeiro coche é un mixto de Norte Camas-1ª.

Tui: ponte do Miño

Colección Guillermo González Martín

Aínda que fora rematada en 1884 non foi inaugurada ata o Marzal de 1886, cando un tren de cada país se atoparon no medio para celebrar a inauguración. En 1986 dous trens traccionados por material preservado fixeron topes no medio da ponte. Por parte da Renfe a encargada para tal evento foi a locomotora 141-2413 que hoxe fai, ás veces, o Tren de la Fresa.

Como se pode ollar na foto o taboleiro superior é para tráfico ferroviario e o inferior para tráfico rodado. Ata o establecemento da libre circulación de persoas entre os dos países e a apertura da nova ponte paralela a esta, as filas que se montaban en ambas fronteiras eran de interminables.

Fonte: Guillermo González Martín en Tranvía Portal

2/2/09

Redondela: viaduto de Pontevedra

Colección Guillermo González Martín

Tamén coñecido como viaduto do Carballo. O camiño de ferro de Redondela a Pontevedra foi inaugurado en 1884 existindo xa nesa época a liña Vigo-Redondela coa súa correspondente estación nesta última vila.

A fisionomía da zona de Redondela onde estaba a antiga estación, fixo que a vía que procedía do viaduto do Carballo acabara nunha topeira e que os trens que procedían de Pontevedra tiveran que inverter a marcha ata a estación e logo proseguir viaxe ata Vigo. Esta situación durou hasta 1971
.

Traducido do Castelán do pé de foto de Guillermo González Martín en Tranvía Portal.

25/1/09

Culleredo | Construción da nova igrexa de Vilaboa (e VI)

Coruña Enredada

  • 2500 m2 de Pedra e cemento en muros de 70 cm de espesor. Area de la Ría Do Burgo Pedra dunha canteira de Mesoiro. Grava da Fraga de Cecebre.
  • Arquitecto : Don Antonio Vincens Moltó, arquitecto municipal da Coruña por aqueles tempos.
  • Construtor : Juan Rodríguez Seoane ''Esquinas'' (veciño da parroquia)
  • 20 veciños , dende 1958 ata 1963, deixaron un edificio que aínda segue a ser insignia da vila e o máis alto dos arredores.

A igrexa na actualidade | Karlos Conde

19/1/09

Culleredo: construción da nova igrexa de Vilaboa I

Coruña Enredada

Nun soar doado e financiada a obra a base de axudas dos fregueses da parroquia, a Nova Igrexa de Vilaboa -que preside a entrada á vila- construíase cun orzamento de tres millóns de pesetas.

14/1/09

Oleiros | Praia de Santa Cristina e restaurante Casa Sara

La Voz de Galicia

12/1/09

Lugo | Club Fluvial do río Miño

La Voz de Galicia

8/1/09

Vilanova de Arousa | Paia das Sinas

La Voz de Galicia

6/1/09

Ogrobe (O Grove) | Fábrica de xabróns La Toja

La Voz de Galicia

4/1/09

Viveiro | Acto perante o monumento a Nicomedes Pastor Díaz

Juan Cancelo | La Voz de Galicia